Visto que na actualidade o concello non conta con Bolsas de Emprego para a realización de contratacións que permita cubrir de forma temporal, mediante contrato laboral, as necesidades municipais que poidan presentarse, por motivo de vacantes, substitucións transitorias de baixas, licenzas regulamentarias, execución de programas de carácter temporal, exceso ou acumulación de tarefas por prazo máximo de nove meses etc., que se poidan dar nos distintos servizos municipais.
Coa creación desta Bolsa de Emprego, o Concello da Merca pretende axilizar a selección de persoal dando cobertura ás necesidades de ocupación de carácter temporal no posto de traballo de OPERARIO DE LIMPEZA. Todo elo rexido polos principios constitucionais de mérito e capacidade, que encontran a súa plasmación lexislativa xunto aos de publicidade, transparencia e imparcialidade no artigo 55 do Real Decreto Lexislativo 5/2015, do 30 de outubro, polo que se aproba o Texto Refundido da Lei do Estatuto Básico do Empregado Público.
Tanto o anuncio como as bases de selección para inscrición na bolsa de emprego para peón de obra, están publicados no Taboleiro de anuncios así como no Portal da Transparencia do Concello, no seguinte enlace: https://amerca.sedelectronica.gal/transparency no apartado 1.INSTITUCIONAL/1.7.PERSOAL/1.7.4. BOLSAS EMPREGO/ BOLSA DE EMPREGO LABORAL TEMPORAL – OPERARIO DE LIMPEZA 2024- 2027
Visto que na actualidade o concello non conta con Bolsas de Emprego para a realización de contratacións que permita cubrir de forma temporal, mediante contrato laboral, as necesidades municipais que poidan presentarse, por motivo de vacantes, substitucións transitorias de baixas, licenzas regulamentarias, execución de programas de carácter temporal, exceso ou acumulación de tarefas por prazo máximo de nove meses etc., que se poidan dar nos distintos servizos municipais.
Coa creación desta Bolsa de Emprego, o Concello da Merca pretende axilizar a selección de persoal dando cobertura ás necesidades de ocupación de carácter temporal no posto de traballo de PEÓN DE OBRAS. Todo elo rexido polos principios constitucionais de mérito e capacidade, que encontran a súa plasmación lexislativa xunto aos de publicidade, transparencia e imparcialidade no artigo 55 do Real Decreto Lexislativo 5/2015, do 30 de outubro, polo que se aproba o Texto Refundido da Lei do Estatuto Básico do Empregado Público.
Tanto o anuncio como as bases de selección para inscrición na bolsa de emprego para peón de obra, están publicados no Taboleiro de anuncios así como no Portal da Transparencia do Concello, no seguinte enlace: https://amerca.sedelectronica.gal/transparency no apartado 1.INSTITUCIONAL/1.7.PERSOAL/1.7.4. BOLSAS EMPREGO/ BOLSA DE EMPREGO LABORAL TEMPORAL – PEÓN DE OBRA 2024- 2027
No Diario Oficial de Galicia de data 29 de xaneiro de 2024, saiu publicada a orde que regula as subvencións en réxime de concorrencia competitiva dentro do plan específico de acción comunitaria destinado a asociacións veciñais, confederacións, federacións ou unións de asocicacións de veciños, comunidades de usuarios de augas e asociacións de mulleres rurais de Galicia, así como un extracto da mesma.
Os enlaces á orde e ao extracto da mesma aparecen máis abaixo:
Os días 22, 26, 27, 28 e 29 de Decembro e 2, 3, 4 e 5 de Xaneiro os nenos e as nenas do Concello da Merca poderán disfrutar de actividades no polideportivo municipal:
Xogos
Talleres
Talleres deportivos
Bailes e música
Inchables
Terán prioridade os nenos e nenas do Concello, con un aforo máximo de 75 nenos/as cada mañá.
Desde o luns 18 de decembro, os pais e as nais poden cubrir o formulario cos datos dos seus fill@s no Concello, e recoller o carné para asistir ás actividades.
O Concello de A Merca, en base á Resolución do 28 de febreiro de 2023 da directora xeral de AGADER pola que se aproba o Plan de mellora de camiños rurais 2023-2024, cofinanciado co Fondo Europeo Agrícola de Desenvolvemento Rural (FEADER) no marco do Plan estratéxico da PAC 2023-2027 en Galicia, procedeu á Mellora do acceso a Souto en Froxás das Viñas.
Cartel da obra:
Fotografías da situación anterior ás obras de mellora e fotografías das situación posterior:
O día 8 de Outubro, celebrarase a XIII Andaina do Concello da Merca.
Inscrición 5.00* € (Poderase realizar, a través do formulario seguinte, ata o venres día 6 de Outubro ás 13:00h. Tamén poderán inscribirse o día do evento ata media hora antes do seu inicio
A ruta de 15 Km., terá a saída ás 9:00 no local social de Rubillós, e discorrerá por a canle do Ruca, A Broa, A Airiña e Poldras do Euxenio. Para acabar no mesmo sitio de partida
A proba conta con avituallamento no percorrido e pincho ao final.
Tendo concedida unha subvención da Deputación de Ourense para acondicionamento de acceso á estrada OU-540 en Parderrubias ao obxecto de favorecer as condicións de tránsito e a seguridade viaria e desta maneira proporcionar maior calidade de vida á poboación deste núcleo rural, contribuíndo a frear o despoboamento e fomentar a súa actividade económica.
Unha vez redactado o proxecto técnico polo que se rexerán as obras de acondicionamento, procedeuse á contratación da empresa que levará a cabo as mesmas.
O proxecto técnico pode consultarse facendo click aquí.
GAÑADORES DO 3º ROTEIRO FOTOGRÁFICO DO CONCELLO DA MERCA
1º PREMIO: MARIA LUISA FERNANDEZ RODRIGUEZ
2º PREMIO: MARIA BERINI PITA DA VEIGA
3º PREMIO: LOIS SANTOS PEREZ
A continuación amósanse as fotografías de entrega de premios @s premiad@s. Parabéns a tod@s!
Entrega do primeiro premioEntrega do segundo premioEntrega do terceiro premio
Un ano máis vai ter lugar o 3º Roteiro Fotográfico do Concello da Merca, cuxas bases se poden consultar a continuación ou premendo no cartel que se mostra máis abaixo:
BASES DO CONCURSO FOTOGRÁFICO
1.-
PERSOAS PARTICIPANTES
Poderán
participar todas as persoas que o desexen sempre que sexan maiores de idade, ou
de ser menores de idade, acheguen unha autorización asinada polos seus pais/nais
ou titores/as.
Non poderán participar as persoas membros da
Corporación nin os/as empregados/as municipais.
2.-
TEMÁTICA
As imaxes presentadas deben de ter por temática calquera aspecto
relacionado co Concello da Merca (costumes,
paisaxe, patrimonio, tradicións, festas …). e deben ser inéditas. Deberase
identificar claramente algún elemento que permita recoñecer o Concello da Merca na
fotografía.
Todas as fotos deben de acompañarse dunha breve explicación da
súa localización e do que representan.
3.-
PRAZO DE ENTREGA
As imaxes poderán presentarse do 15 de Agosto a 31 de Outubro de 2023.
A entrega das fotografías pode facerse tanto en papel como en
formato dixital e cun límite máximo de 3 fotografías.
Cando faga a súa entrega deberá indicar os seus datos
persoais (nome, apelidos, DNI, enderezo e, no seu caso,
autorización dos pais/nais ou
titores/as ou persoas fotografadas) e da forma de contacto (teléfono e enderezo
electrónico).
As fotografías poden entregarse:
– No rexistro xeral do Concello da Merca nun sobre pechado indicando ‘III Concurso fotográfico Calendario Concello da Merca 2024’
Un xurado nomeado pola Alcaldía seleccionará as 10 fotografías finalistas de entre as cales elixirá as 3 premiadas. O xurado será o encargado de decidir cantas delas serán as imaxes do calendario 2024 do Concello da Merca, tendo a primeira garantida a súa publicación.
O xurado poderá declarar deserto algún dos premios.
Ningunha persoa participante poderá ser premiada por máis dunha
fotografía que presente ao concurso.
5.-
PREMIOS
1º Premio: Fotografía no calendario do Concello da Merca 2024 – Fin de Semana de Turismo Rural para dúas persoas
2º Premio: Día Gastronómico / Balneario para dúas persoas
3º Premio: Cesta de produtos autóctonos con denominación de orixe
6.-
OBXECTIVO E PUBLICACIÓN DAS FOTOGRAFÍAS
O obxectivo é elixir a/as imaxe/s para o calendario 2024 do Concello da Merca. Ademais todas as fotografías que se presenten ao concurso poderán ser empregadas para exposicións culturais que organice o Concello da Merca.
7.-
DEREITOS SOBRE AS FOTOGRAFÍAS
A participación no concurso leva á cesión en exclusiva dos
dereitos de explotación necesarios por aplicación da Lei de Propiedade
Intelectual, a favor da organización, por parte das persoas concursantes.
Para
presentar unha imaxe que conteña a imaxe dunha persoa, a persoa fotografada
debera haber outorgado seu consentimento expreso e inequívoco para tal
finalidade ao fotografo, consentimento que debera achegar xunto coa fotografía.
A participación neste concurso implica a total aceptación destas bases. As persoas participantes serán plenamente responsables de que non existan dereitos de terceiros das obras presentadas, así como de toda reclamación sobre posibles dereitos de imaxe.
