O vindeiro día 6 de outubro de 2024, o Centro Ocupacional da Fundación de Discapacitados Psíquicos Terra de Celanova, organiza unha andaina que saíra desde Vilanova dos Infantes ás 9:30 horas, cun percorrido de 12 km.
A inscrición terá un custe de 5,00 € e poderase levar a cabo no centro ocupacional en Celanova ou o propio día da Andaina.
Máis información no teléfono 988 432 176.
XIMNASIA DE MANTEMENTO E PILATES NO PAVILLÓN MUNICIPAL
Entre o 16 de setembro e o 4 de novembro de 2024 vaise desenvolver un taller de reciclaxe e restauración de mobles, no antigo centro de saúde da Merca (Estrada de Celanova, 30 – A Merca).
Terá lugar todos os luns de 16:00 horas ata as 19:00 horas.
O número de prazas será un mínimo de 10 e un máximo de 15.
As persoas interesadas poderanse inscribir no Concello da Merca, no teléfono 988 260 000 ou nas oficinas municipais ata o día 11 de setembro de 2024.
Máis información no cartel que aparece máis abaixo:
Convocatoria é a contratación de (1) peón/peoa forestal, durante 9 meses segundo a Resolución da Consellería de Promoción do Emprego e Igualdade (núm. de expediente TR351G 2024/016) notificada ao Concello de A Merca, con data 11 de xullo de 2024 (RE núm. 2024-E-RC-770) ao abeiro da Orde do 26 de decembro de 2023, DOG nº 17,do 24 de xaneiro de 2024, a xornada completa, baixo a modalidade contractual de contrato de traballo temporal, coas cláusulas específicas de contrato para a mellora da ocupabilidade e a inserción laboral, para que preste os seus servizos no Concello de A Merca.
As funcións a desenvolver serán as
seguintes:
– Silvicultura
– Biomasa
– Limpeza de montes
– Tarefas relacionadas maioritariamente
coa prevención de incendios nas faixas secundarias definidas pola Lei de
prevención e defensa contra os incendios forestais de Galicia, como son a
planificación preventiva, a valorización forestal, a silvicultura, a limpeza de
montes, a xestión da biomasa
– Calquera outro acto de natureza similar non relacionado que sexa ordenado pola autoridade municipal co obxecto de proporcionarlles a experiencia e práctica profesional necesarias para facilitar a súa inserción laboral.
Coa creación desta Bolsa de Emprego, o Concello da Merca pretende axilizar a selección de persoal dando cobertura ás necesidades de ocupación de carácter temporal no posto de traballo de Auxiliar Administrativo. Todo elo rexido polos principios constitucionais de mérito e capacidade, que encontran a súa plasmación lexislativa xunto aos de publicidade, transparencia e imparcialidade no artigo 55 do Real Decreto Lexislativo 5/2015, do 30 de outubro, polo que se aproba o Texto Refundido da Lei do Estatuto Básico do Empregado Público.
Tanto o anuncio como as bases de selección para inscrición na bolsa de emprego para auxiliar administrativo, están publicados no Taboleiro de anuncios así como no Portal da Transparencia do Concello, no seguinte enlace: https://amerca.sedelectronica.gal/transparency no apartado 1.INSTITUCIONAL/1.7.PERSOAL/1.7.4. BOLSAS EMPREGO/ BOLSA DE EMPREGO LABORAL TEMPORAL – BOLSA DE EMPREGO LABORAL TEMPORAL – AUXILIAR ADMINISTRATIVO 2024-2025
Os campamentos de verán A Merca Concilia 2024 supoñen unha
alternativa de lecer para a rapazada
de 3 a 14 anos do municipio da Merca, cunha dobre finalidade: a de permitir a conciliación familiar, laboral e persoal
das familias; e a de ofrecer un
espazo de esparcemento para nenas e nenos en igualdade de oportunidades. Tamén
persegue contribuír a diminución das desigualdades sociais e
favorecer a integración dos/as menores en risco de exclusión social.
Tanto
transversalmente como en actividades específicas traballaranse a igualdade de
xénero.
Desde o día 20 ao 26 de xuño de 2024, está aberta a inscrición para o Programa de Conciliación denominado Campamento de Verán 2024 do Concello da Merca.
O custo do servizo será de GRATUÍTO por neno/a en cada quenda, requiríndose unicamente unha fianza, posto que o servizo é financiado pola Consellería de Política Social e Igualdade da Xunta de Galicia, ao abeiro da RESOLUCIÓN do 29 de novembro de 2023, da Secretaría Xeral da Igualdade, pola que se establecen as bases reguladoras das subvencións ás entidades locais da Comunidade Autónoma de Galicia para a promoción da igualdade, de forma individual e mediante o sistema de xestión compartida, parcialmente cofinanciadas pola Unión Europea no marco do Programa FSE+ Galicia 2021- 2027, e se procede á súa convocatoria para o ano 2024 (códigos de procedemento SI436A, SI435A e SI427B) (DOG núm. 5, do 8 de xaneiro de 2024).
O campamento de verán do Concello da Merca Concilia 2024 desenvolveranse nas dependencias do CEIP Joaquina Gallego Jorreto, en horario de 9:00 horas a 14:00 horas, e para facilitar en maior medida a conciliación laboral e familiar, realizaranse 4 quendas diferenciadas, de luns a venres agás festivos, do seguinte xeito:
1ª quenda: do 1 de xullo ao 12 de xullo (10 días hábiles).
2ª quenda: do 15 de xullo ao 31 de xullo (12 días hábiles). Festivo o 25 de xullo.
3ª quenda: do 1 de agosto ao 16 de agosto (10 días hábiles). Festivo o 15 de agosto.
4ª quenda: do 19 de agosto ao 30 de agosto (10 días hábiles).
Ofértanse un máximo de 60 prazas en cada unha das 4 quendas.
Un ano máis vai ter lugar o 4º Roteiro Fotográfico do Concello da Merca, cuxas bases se poden consultar a continuación ou premendo no cartel que se mostra máis abaixo:
BASES DO IV ROTEIRO FOTOGRÁFICO
1.- PERSOAS PARTICIPANTES
Poderán
participar todas as persoas que o desexen sempre que sexan maiores de idade, ou
de ser menores de idade, acheguen unha autorización asinada polos seus
pais/nais ou titores/as.
Non
poderán participar as persoas membros da Corporación nin os/as empregados/as
municipais.
2.- TEMÁTICA
As
imaxes presentadas deben de ter por temática calquera aspecto relacionado co
Concello da Merca (costumes, paisaxe, patrimonio, tradicións, oficios, festas
…). e deben ser inéditas. Deberase identificar claramente algún elemento que
permita recoñecer o Concello da Merca na fotografía.
Todas as
fotos deben de acompañarse dunha breve explicación da súa localización e do que
representan.
3.- PRAZO DE ENTREGA
As
imaxes poderán presentarse do 15 de xuño ata o 30 de setembro de 2024.
A
entrega das fotografías pode facerse tanto en papel como en formato dixital e
cun límite máximo de 3 fotografías.
Cando
faga a súa entrega deberá indicar os seus datos persoais (nome, apelidos, DNI,
enderezo e, no seu caso, autorización dos pais/nais ou titores/as ou persoas
fotografadas) e da forma de contacto (teléfono e enderezo electrónico).
As
fotografías poden entregarse:
– No rexistro xeral do Concello da Merca
nun sobre pechado indicando “ IV Concurso fotográfico Concello da Merca 2024 ”
Un
xurado nomeado pola Alcaldía seleccionará as 10 fotografías finalistas que
se expoñerán na casa de cultura do concello da Merca, coincidindo cos actos e
exposicións do ilustre fotógrafo recoñecido internacionalmente Manuel Outumuro.
O xurado será o encargado de decidir cantas delas serán as imaxes do almanaque
2025 do Concello da Merca.
O xurado
poderá declarar deserto algún dos premios.
Ningunha
persoa participante poderá ser premiada por máis dunha fotografía que presente
ao concurso.
5.- PREMIOS
– 1º Premio: Fin de Semana en Balneario para dúas persoas
– 2º Premio: Día Gastronómico / Balneario para dúas persoas
– 3º Premio: Cesta de produtos autóctonos con denominación de orixe
6.- OBXECTIVO E PUBLICACIÓN DAS FOTOGRAFÍAS
O
obxectivo é elixir a/as imaxe/s para o almanaque 2025 do Concello da Merca e
para a promoción do acto e exposición fotográfico que se levará a cabo este
ano. Ademais todas as fotografías que se presenten ao concurso poderán ser
empregadas para outras exposicións culturais que organice o Concello da Merca.
7.- DEREITOS SOBRE AS FOTOGRAFÍAS
A
participación no concurso leva á cesión en exclusiva dos dereitos de
explotación necesarios por aplicación da Lei de Propiedade Intelectual, a favor
da organización, por parte das persoas concursantes.
Para
presentar unha imaxe que conteña a imaxe dunha persoa, a persoa fotografada
debera haber outorgado seu consentimento expreso e inequívoco para tal
finalidade ao fotografo, consentimento que debera achegar xunto coa fotografía.
A participación neste concurso implica a total aceptación destas bases. As persoas participantes serán plenamente responsables de que non existan dereitos de terceiros das obras presentadas, así como de toda reclamación sobre posibles dereitos de imaxe.
